იგოეთთან მომხდარი ავტოსაგზაო შემთხვევის შედეგად ერთი პირი დაიღუპა, ერთი კი მძიმედ დაშავდა. სამარშრუტო ტაქსი ტრაილერს უკნიდან შეეჯახა. შედეგად, სამარშრუტო ტაქსში მყოფი ქალი ადგილზე გარდაიცვალა, ერთი პირი კი დაშავდა, რომელიც კასპის საავადმყოფოში გადაიყვანეს.
ავტოსაგზაო შემთხვევასთან დაკავშირებით დანიშნულია ექსპერტიზები.
მომხდართან დაკავშირებით გამოძიება სსკ-ის 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
დანაშაული 7 წლამდე თავისუფლების აღკვეთას ითვალისწინებს.