უახლოეს დღეებში ჰაერის ტემპერატურა დაიკლებს?!

გარემოს ეროვნული სააგენტოს ინფორმაციით, უახლოეს დღეებში საქართველოს უმეტეს რაიონებში ღამით და დღის მეორე ნახევარში შესაძლებელია ხანმოკლე წვიმა ელჭექით. ზოგიერთ რაიონში მოსალოდნელია სეტყვაც. იქროლებს დასავლეთის ქარი 10-15 მ/წმ სიჩქარით.

როგორც მთავარი სინოპტიკოსი ნონა ელისაშვილი განმარტავს, აღმოსავლეთ საქართველოში ჰაერის მაქსიმალური ტემპერატურა დღისით 33-35 გრადუსია მოსალოდნელი. დასავლეთ საქართველოს დაბლობ რაიონებში კი, ჰაერის მაქსიმალური ტემპერატურა 24-29 გრადუსის ფარგლებში იქნება.

რუსთავში უახლოეს დღეებში ჰაერის ტემპერატურა 36- 39 გრადუსის ფარგლებში იმერყევებს. 6-7 ივლისს საღამოსა და ღამის საათებში მოსალოდნელია ხანმოკლე წვიმა ელჭექით. დროგამოშვებით მოსალოდნელია ქარის გაძლიერება.