რუსეთში, ციმბირში მდებარე სამხედრო ბაზაზე რუსმა ჯარისკაცმა თავის კოლეგებს ცეცხლი გაუხსნა-შემთხვევას რვა ჯარისკაცის სიცოცხლე ემსხვერპლა. დაშავდა ორი ჯარისკაცი.
რუსული მედიის ინფორმაციით, დაღუპულებს შორის 6 წვევამდელია.
დამნაშავე, სავარაუდოდ, წვევამდელი იყო, რომელიც სამხედრო ბაზას იცავდა.
რუსულ მედიაში აცხადებენ,რომ რუსეთის თავდაცვის სამინისტროს პირველადი ინფორმაციით, მას, სავარაუდოდ, ფსიქიკური პრობლემები ჰქონდა. ის უკვე დააკავეს.
შემთხვევა დღეს, 25 ოქტომბერს 6:20 საათზე მოხდა.
