მეცხრეკლასელ მოსწავლეს რამდენიმე მოზარდმა ფიზიკური შეურაცხყოფა მიაყენა.
ინციდენტი გორის მე-10 საჯარო სკოლასთან მოხდა. მომხდარს გორის საგანმანათლებლო რესურსცენტრში ადასტურებენ.
როგორც ცნობილი ხდება ფიზიკური დაპირისპირება სასწავლო პროცესის შემდეგ, სკოლის შენობის გარეთ მოხდა. გავრცელებული ინფორმაციით, ერთ მოსწავლეს რამდენიმე მოზარდმა სცემა.
მოზარდს შესაბამისი სამედიცინო დახმარება საავადმყოფოში უკვე აღმოუჩინეს. ექიმების ინფორმაციით, მეცხრეკლასელის ჯანმრთელობას საფრთხე არ ემუქრება.