მესტიისკენ მიმავალ გზაზე, „შავ ღელესთან“ მეწყერი ჩამოწვა.
საქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, „შავ ღელესთან“ ჩამოწოლილი მეწყერის გაწმენდითი სამუშაოები დაწყებულია.
მათივე ცნობით, შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 116-ე კმ-ზე (შავი ღელე) კოკისპირული წვიმის შედეგად ჩამოიშალა ფერდი, რამაც გამოიწვია მოძრაობის შეზღუდვა.
ინფორმაციისთვის, დეპარტამენტის ცნობით, ამ დროისათვის ადგილზე მობილიზებულია შესაბამისი ტექნიკა და გზის გაწმენდითი სამუშაოები მიმდინარეობს. ჩაკეტილი მონაკვეთი უახლოეს საათებში გაიხსნება.
