მარნეულის საბავშვო ბაღში კორონავირუსი დაფიქსირდა

მარნეულის მუნიციპალიტეტის სოფელ საიმერლოში საბავშვო ბაღის აღმზრდელს კორონავირუსის დაუდასტურდა. ინფორმაციას რადიო “მარნეული” ავრცელებს.

ბაგა-ბაღების გაერთიანების უფროსმა, ზაურ ქარამოვმა განაცხადა, რომ მარნეულის დაავადებათა კონტროლის ცენტრის წარმომადგენლები ბაღში უკვე იყვნენ მისულები.

ამ ეტაპზე, საიმერლოს საბავშვო ბაღი დახურულია. ზაურ ქარამოვის განცხადებით, ბაღში სააღმზრდელო პროცესი 25 ოქტომბრამდე არ აღდგება.