თბილისის N74-ე ბაგა-ბაღში მუნის შემთხვევა დაფიქსირდა.ბაგა-ბაღების მართვის სააგენტოს ცნობით, ორი აღსაზრდელის მშობელმა ადმინისტრაციას აცნობა, რომ ბავშვებს ჯანმრთელობის პრობლემა ჰქონდათ. ბაღის ადმინისტრაციამ ინფორმაცია შესაბამის სამსახურს უკვე მიაწოდა.
„ოჯახმა გამოიჩინა მაღალი მოქალაქეობრივი პასუხისმგებლობა და ბაღს მოგვიანებით შეატყობინა, რომ მათ შვილებს აღმოაჩნდათ დაავადება მუნი და ამ ფაქტის გათვალისწინებით, მიეღოთ შესაბამისი ზომები. ბაღის ადმინისტრაცია დაუკავშირდა საზოგადოებრივი ჯანდაცვის ცენტრს და მათი რეკომენდაციების მიხედვით, ჩაატარა ყველა აუცილებელი სადეზინფექციო სამუშაო. ფაქტის გამო, სააღმზრდელო პროცესი არ შეწყვეტილა“, – აღნიშნულია ბაღების სააგენტოს ინფორმაციაში.
