რუსთავის მერიაში საკადრო ცვლილებები მიმდინარეობს. Tv4-ის ინფორმაციით, “ა (ა)ი პ “რუსთავსერვისცენტრი“-ს ხელმძღვანელი, გიორგი გოროზია დაკავებულ თანამდებობაზე აღარ იქნება და მის ადგილს რევაზ გოგიძე დაიკავებს.
რუსთავის მერიაში მიმდინარე რეორგანიზაციის შესახებ Tv4-მა ინფორმაცია 25 ივლისს, ექსკლუზიურად გაავრცელა. Tv4-ის ინფორმაციით, რეორგანიზაციის პროცესი ქალაქის მერიის ყველა ა (ა) იპ-ში მიმდინარეობს.
როგორც Tv4-ს რუსთავის მერიაში განუცხადეს, პროცესი დაახლოებით ორი თვის წინ დაიწყო და პირველ ეტაპზე რეორგანიზაცია ა(ა)იპ რუსთავის ბაგა-ბაღების გაერთიანებაში განხორციელდა, სადაც როგორც უკვე ცნობილია, კადრების გარკვეული როტაცია მოხდა. ცნობისთვის, აღნიშნულის შესახებ Tv4-მა ინფორმაცია ექსკლუზიურად გაავრცელა.
ამასთან, როგორც მუნიციპალიტეტის მერიაში აცხადებენ, რეორგანიზაციის პროცესში სამსახურის გარეშე არცერთი თანამშრომელი არ დარჩება.
რეორგანიზაციას რუსთავის მერიაში სტრუქტურის დახვეწის მიზნით ხსნიან. მათვე ცნობით ,პროცესი თანამშრომლების შემცირებას არ ითვალისწინებს.
