რუსთავის მერიამ ახალი ინფრასტრუქტურული პროექტის განხორციელება დაიწყო. მერიაში შემოსული განცხადებების საფუძველზე რუსთავში ჩვიდმეტ ამხანაგობას სამშენებლო მასალები დაურიგდათ . ინფრასტრუქტურული პროგრამა მოსახლეობის თანადაფინანსებით ხორციელდება. რუსთავის მერიამ სამშენებლო მასალები ტენდერში გამარჯვებული კომპანიისგან შეიძინა და მოსახლეობას გადასცა. სამუშაოებს კი ამხანაგობა საკუთარი ძალებით შეასრულებს . ამხანაგობას სამშენებლო მასალები ქალაქის მერმა ირაკლი ტაბაღუამ და კორპუსების თავმჯდომარემ ზვიად ლაბაძემ გადასცეს . აღნიშნული პროგრამა რუსთავის კორპუსებში არსებული პრობლემების მოგვარებას ისახავს მიზნად.