ექსპერტიზის დასკვნის თანახმად, სმიტების ოჯახის მკვლელობაში ბრალდებულ მალხაზ კობაურს სექსუალური კონტაქტი ჰქონდა ლორა სმიტთან, – აღნიშნულის შესახებ ინფორმაციას ტელეკომპანია „იმედი“ ავრცელებს.
მათივე ინფორმაციით, ექსპერტიზის დასკვნაში ასევე ნათქვამია, რომ რაიან და ლორა სმიტების მცირეწლოვანი შვილი მიბჯენით არის მოკლული.
„პაკეტში წარწერით – 1 ორლულიანი სანადირო თოფი, წარწერით BP 0048. მიწის ბალახიანი ნიადაგიდან მოთავსებულ თოფზე არსებული მოყავისფრო ლაქები სისხლს არ წარმოადგენს. ამავე თოფზე არსებული ბალახიდან გენეტიკური პროფილი შერეულია. გენეტიკური პროფილის მაჟორული ძირითადი წილი ეკუთვნის ქელებ ისმატ სმიტს, ხოლო მინორული წილი ეკუთვნის მალხაზ კობაურს“, – ნათქვამია ექსპერტიზის დასკვნაში
6 ივლისს, მარნეულის მუნიციპალიტეტში მცხოვრები, ამერიკელი ცოლ-ქმარი რაინ და ლორა სმიტები, ასევე მათი 4 წლის ვაჟი, დუშეთის რაიონში, ხადას ხეობაში გაუჩინარდნენ. რამდენიმე დღეში კი, მათი ცხედრები იპოვეს. მომხდართან დაკავშირებით დაკავებულია 19 წლის მწყემსი მალხაზ კობაური. თავად ბრალდებული კი წარდგენილ ბრალს არ აღიარებს და აღნიშნავს, რომ სმიტები ორმა უცხო მამაკაცმა მოკლა, რომელიც სიმართლის თქმის შემთხვევაში მასაც აშინებდნენ.