რა პროექტები განახორციელა რუსთავმა ღია მმართველობის ფარგლებში?- აღნიშნული საკითხი საერთაშორისო კონფერენციაზე განიხილეს. კონფერენციას სახელწოდებით „ ღია მმართველობა ადგილობრივ დონეებზე -ქალაქები ქმედებაში“ რუსთავი მასპინძლობს .
ღია მმართველობის სტრატეგია , ელექტრონული პეტიცია , სამოქალაქო მრჩეველთა საბჭო და მერიის ინოვაციების ჰაბი – ეს იმ პროგრამების არასრული ჩამონათვალია რომელიც რუსთავში ღია მმართველობის ფარგლებში შეიქმნა. ამ საკითხებზე პრეზენტაცია დღეს რუსთავის მერის თანაშემწემ სტრატეგიული განვითარების საკითხებში რევაზ ბარბაქაძემ გამართა.
რეზო ბარბაქაძემ ასევე ისაუბრა ახალი პროგრამის შესახებ , სადაც ახალი ინიციატივების გადაჭრაში ადგილობრივი ხელისუფლება და ადგილობრივი ბიზნეს სექტორი თანაბრად იქნება ჩართული.
საერთაშორისო კონფერენცია თვითმართველობათა ეროვნული ასოციაციის ორგანიზებით გაიმართა . კონფერენციას საქართველოს პარლამენტის წევრები , საქართველოს რეგიონალური, ადგილობრივი და ევროპის ქვეყნებიდან მოწვეული თვითმართველობების ხელმძღვანელი პირები ესწრებოდნენ .
