ცენტრალურ ავტომაგისტრალზე, სოფელ ფერმასთან, თბილისის მიმართულებით მოძრავი სამგზავრო ავტობუსი სატვირთო ავტომობილს შეეჯახა.
არსებული ინფორმაციით, ცენტრალურ ავტომაგისტრალზე ავარიის დროს ერთი ადამიანი დაიღუპა და ექვსი დაშავდა.
ავარიის მიზეზი, ამ დროისთვის, უცნობია.
შსს-ს ცნობით, დეტალების დადგენის მიზნით, ჩაინიშნება ექსპერტიზა. მომხდარზე გამოძიება სისხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების წესების დარღვევას გულისხმობს, რამაც ადამიანის სიცოცხლის მოსპობა გამოიწვია.
