ავტოსაგზაო შემთხვევა ცენტრალურ ავტომაგისტრალზე – დაშავებულია 12 ადამიანი. შიდა ქართლში, სოფელ აგარების მონაკვეთზე ერთმანეთს საწინააღმდეგო მიმართულებით მოძრავი მსუბუქი ავტომანქანა და მიკროავტობუსი შეეჯახა.
დაშავებულები ხაშურის ევექსის კლინიკაში გადაიყვანეს. ექიმების თქმით, მძიმე დაზიანება მხოლოდ ერთს – მძღოლს აღენიშნება, მას ოპერაცია დასჭირდა. დაშავებულთა ნაწილი საავადმყოფოში ამ დრომდე რჩება.
