რუსთავის მერიასა და ტენდერში გამარჯვებულ კომპანია შპს „ტექნომშენ ჯგუფს” შორის ხელშეკრულება გაფორმდა . მერიის სხდომათა დარბაზში თბილისის ქუჩისა და თბილისი-წითელი ხიდისკენ მიმავალი მაგისტრალის გზის საფარის რეაბილიტაციის პროექტს ხელი მოეწერა . პროექტის ფარგლებში აღნიშნულ მონაკვეთზე რეაბილიტირდება 3 468 კვადრატული მეტრის გზის საფარი , ტროტუარები , სავალი ნაწილის გვერდულები, ასევე აღნიშნულ ლოკაციაზე მოეწყობა 65 მეტრიანი სანიაღვრე სისტემა , რაც ქალაქს უხვი ნალექისას დატბორვისგან დაიცავს .
პროექტის საერთო ღირებულებაა 210,908,34 ლარია , ხელშეკრულები თანახმად სამუშაოების შესასრულებლად კომპანიას 70 კალენდარული დღე აქვს .
