დონალდ ტრამპი კიმ ჩენ ინთან შეხვედრას აანონსებს

ამერიკის პრეზიდენტის დონალდ ტრამპის განცხადებით, ჩრდილოეთ კორეის ლიდერთან კიმ ჩენ ინთან შეხვედრას მალე გამართავს. ამის შესახებ თეთრი სახლის ლიდერმა ჟურნალისტებთან საუბრისას განაცხადა, რომლებიც დაინტერესდნენ, მალე შეხვდება თუ არა ჩრდილოეთ კორეის ლიდერს.

„ჩვენ მალე შევხვდებით“, – აღნიშნა ტრამპმა მტკიცებით ფორმაში. ამასთან, პრეზიდენტის ადმინისტრაციაში ამერიკა-ჩრდილოეთ კორეის მოსალოდნელი სამიტის კონკრეტულ თარიღზე არაფერი უთქვამთ. დონალდ ტრამპისა და კიმ ჩენ ინის პირველი შეხვედრა 12 ივნისს სინგაპურში გაიმართა.