ინდონეზიაში ცუნამის შედეგად, რომელმაც 7,5 მაგნიტუდის სიმძლავრის მიწისძვრა გამოიწვია, 800-ზე მეტი ადამიანი დაიღუპა. სამ მეტრამდე სიმაღლის ტალღები სულავესის პროვინციაში, ქალაქ პალუში მძვინვარებს.
“წითელი ჯვრის” შეფასებით, კატასტროფულ ზონაში შესაძლოა 1,6 მილიონი ადამიანი იმყოფება.
ქალაქ პალუს მაშველები გადარჩენილების მოსაძებნად ნანგრევების შიშველი ხელებით გასუფთავებას ცდილობენ. ქალაქში არ არის ელექტროენერგია, მაშველებს კი შესაბამისი ტექნიკა არ გააჩნიათ.
ქალაქ პალუს ძირითადი გზა მეწყერმა დაბლოკა, ასევე ჩაინგრა ქალაქის მთავარი ხიდი.
“ჩვენ ნანგრევების გასასუფთავებლად სასწრაფოდ გვესაჭიროება მძიმე ტექნიკა. ჩვენი მაშველები შემთხვევის ადგილზე იმყოფებიან, მაგრამ მხოლოდ ფიზიკური ძალის ხარჯზე ყველაფრის გაკეთება შეუძლებელია”, – განაცხადა სახელმწიფო სამაშველო სამსახურის უფროსმა, მუხამმალ სიაუგიმ.
