რუსთავის ბაგა-ბაღებში 29 ნოემბერს თავისუფალი დასწრება გამოცხადდა, როგორც ბაგა-ბაღების გაერთიანების ხელმძღვანელი ეკა ხუციშვილი განმარტავს, საპრეზიდენტო არჩევნებისთვის ბაგა ბაღების ფილიალებში განთავსებულია საარჩევნო უბნები და ბავშვებისთვის სათანადო პირობების შესაქმნელად აუცილებელია სააღმზრდელო ჯგუფები დასუფთავდეს და ჩაუტარდეს დეზინფექცია , რის გამოც ბაგა-ბაღების გაერთიანებამ მიიღო გადაწყვეტილება, ხუთშაბათს, 29 ნოემბერს რუსთავის ყველა ბაგა-ბაღის აღსაზრდელს გაცდენა საპატიოდ ჩაეთვალოს.
