რუსთავში აფხაზეთის ავტონომიური რესპუბლიკის ტურნირზე გამარჯვებული გუნდები დააჯილდოეს.
გამარჯვებულ სამ გუნდს ფეხბურთში წარმატებული ასპარეზობისთვის სიგელები და მედლები ფედერაციის პრეზიდენტმა გადასცა.
ტურნირზე, რომელიც ორ ასაკობრივ კატეგორიაში მიმდინარეობდა გამარჯვება რუსთავის ორმა გუნდმა და გარდაბნის ფეხბურთელთა გუნდმა მოიპოვა. ტურნირი გაზაფხულზე დაიწყო და ნოემბერში დასრულდა. ჩემპიონატი ბავშვთა ფეხბურთის განვითარებას და მოზარდებში სპორტული ცხოვრების წესის დამკვიდრებას ისახავდა მიზნად.
