გარემოს ეროვნული სააგენტოს ინფორმაციით,საქართველოში ჰაერის ტემპერატურა მკვეთრად დაიკლებს. 29 დეკემბერს დასავლეთ საქართველოში დროგამოშვებით ღრუბლიანობა მოიმატებს. ღამით ზოგან მცირე ნალექი იქნება, უმეტესად თოვლის სახით, დღე კი უნალექოდ ჩაივლის.
აღმოსავლეთ საქართველოში – დროგამოშვებით ღრუბლიანობის მომატებას ვარაუდობენ . ზოგან შესაძლებელია მცირე თოვლი. ღამით დასავლეთის ქარი 10-15 მ/წმ. ჰაერის ტემპერატურა: ბარში ღამით -6, -1°, დღისით 0, +5°; მთაში ღამით -11, -6°, დღისით -5, 0°; მაღალმთაში ღამით -15, -10°, ზოგან -20°-მდე, დღისით -7, -2°.
სააგენტოს ცნობით, 30 დეკემბერს დასავლეთ საქართველოში დროგამოშვებით ღრუბლიანობა მოიმატებს, ზოგან იქნება ნალექი, მთაში თოვლის სახით. იქროლებს ცვალებადი მიმართულების ქარი 8-13 მ/წმ.
