ავტოსაგზაო შემთხვევის შედეგად ორი ბავშვი დაშავდა. შემთხვევა მცხეთაში მოხდა.
გავრცელებული ინფორმაციით, ავტობუსი რომელსაც ბავშვების მამა მართავდა გზიდან გადავიდა და ხეს შეეჯახა.
დაშავებულები მცხეთის საავადმყოფოში გადაიყვანეს.
შინაგან საქმეთა სამინისტროს ინფორმაციით, მომხდარზე გამოძიება სისხლის სამართლის კოდექსის 276-ე მუხლის მეორე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის მძიმე დაზიანება გამოიწვია.
