გარდაბნის მუნიციპალიტეტში ფაშიზმზე გამარჯვების 74-ე წლისთავი აღინიშნება . ქალაქის მერმა მხარისა და ადგილობრივი ხელისუფლების წარმომადგენლებთან ერთად სამამულო ომში დაღუპულ გმირთა მემორიალი გვირგვინით შეამკო. დღევანდელ დღესთან დაკავშირებით, ფოლკლორულმა ანსამბლმა “ბეთანიამ” გმირთა მემორიალთან პატრიოტულ მოტივებზე შექმნილი სიმღერები შეასრულა. მუნიციპალიტეტის პირველმა პირებმა გარდაბანში მცხოვრებ 4 ვეტერანს და 20 ვეტერანთან გათანაბრებულ პირს ფაშიზმზე გამარჯვების დღე მიულოცეს და სიმბოლური საჩუქრები გადასცეს.
