С ჰეპატიტის საერთაშორისო დღესთან დაკავშირებით, პრეზიდენტმა გურჯაანში, ადგილობრივ მოსახლეობასთან ერთად, C ჰეპატიტის სკრინინგი სახელმწიფო პროგრამის ფარგლებში ჩაიტარა. ინფორმაციას პრეზიდენტის პრესსამსახური ავრცელებს.
როგორც პრეზიდენტმა განაცხადა, C ჰეპატიტის სახელმწიფო პროგრამის ნახევარზე მეტი გავლილია, მძიმედ დაავადებული ადამიანები უკვე განიკურნენ და აუცილებელია ტესტირება ყველამ გაიაროს.პროცედურა სრულიად უფასოა.
პრეზიდენტის განცხადებით, მნიშვნელოვანია, რომ ეს გზავნილი მივიდეს ყველა მოქალაქემდე და დამარცხდეს C ჰეპატიტი.
აღსანიშნავია რომ, ე.წ. “ინტეგრირებული სკრინინგის” პროგრამა კახეთის რეგიონში უკვე ამოქმედდა, რაც ნიშნავს რომ ერთი ვიზიტის ფარგლებში შესაძლებელია 3 ყველაზე მძიმე დაავადების დიაგნოსტიკა, როგორიცაა: C ჰეპატიტი, აივ/შიდსი და ტუბერკულოზი.
