ამ წუთებში, ქალაქ რუსთავის კულტურისა და დასვენების პარკში კამპანია „იცურე მშვიდად“ აქციას მართავს.
აქციის მონაწილეები მოითხოვენ ქალაქ რუსთავის კულტურისა და დასვენების პარკში არსებულ წყლის ობიექტზე გაძლიერდეს მოქალაქეთა უსაფრთხოების დაცვა.
ასევე მოთხოვნაა, ქალაქ რუსთავის მერიამ იმსჯელოს წყლის ობიექტზე მიმაგრებული მაშველების კვალიფიკაციის პრობლემაზე და განიხილოს ობიექტზე საგანგებო სიტუაციების სამსახურის მაშველების განთავსების საკითხი.
როგორც ცნობილია, დღეს 13:30 საათზე აქციის ორგანიზატორები რუსთავის მერიის წარმომადგენლებს შეხვდებიან.
უსაფრთხოების კუთხით, პირველი ნაბიჯი რუსთავის მერიამ 2016 წელს გადადგა და ტბაზე მაშველები განათავსა.
ასევე, შემოიზღუდა ის ადგილი, სადაც ბანაობა ნებადართულია. დანარჩენ ტერიტორიაზე განთავსებულია ბანაობის ამკრძალავი და სხვა საინფორმაციო ბანერები.
