რუსთავის მუნიციპალიტეტი ადგილობრივი თვითმმართველობის ინდექსის 2019 წლის შეფასების შედეგებით, საუკეთესო ხუთეულში მოხვდა. მუნიციპალიტეტების საქმიანობის გამჭვირვალობისა და მოქალაქეების მიმართ ანგარიშვალდებულების შედეგით, რუსთავის მუნიციპალიტეტი წელს მეორე ადგილზე გავიდა.
100%-იანი შეფასების შკალით, ინფორმაციის გამჭვირვალობის და მისი პროაქტიური გამოქვეყნების ხარისხით, რუსთავმა 57% დააგროვა. პირველ ადგილზე, 61%-ით ქალაქი ბათუმი გავიდა, მესამეზე კი ლაგოდეხის მუნიციპალიტეტი, რომელმაც აღნიშნული კრიტერიუმები 56%-ით დააკმაყოფილა.
ადგილობრივი თვითმმართველობის ინდექსი, მუნიციპალიტეტების გამჭვირვალობას, მოქალაქეთა მიმართ ანგარიშვალდებულებას და გადაწყვეტილების მიღების პროცესში მოსახლეობის ჩართულობის ხარისხს აფასებს.
საუკეთესო მუნიციპალიეტეტების დაჯილდოება, დღეს, სასტუმრო ,,რუმსში,“ ადგილობრივი თვითმმართველობის ინდექსის 2019 წლის ანგარიშის პრეზენტაციაზე მოხდა.
