მერვე საჯარო სკოლაში ღობის დაზიანების ფაქტზე შინაგან საქმეთა სამინისტრომ ერთი პირი გამოავლინა. როგორც tv4 -ს უწყებაში განუცხადეს,ქურდობის მცდელობისთვის იდენტიფიცირებულია ახალგაზრდა მამაკაცი. პოლიციას მამაკაცი ჯერ-ჯერობით არ დაუკავებია.
შეგახსენებთ,მერვე საჯარო სკოლის ადმინისტრაციამ ადგილზე საპატრულო პოლიცია გამოიძახა. სკოლაში აცხადებდნენ,რომ ხუთი დღის განმავლობაში გაურკვეველი პირები ღობეს ინტენსიურად აზიანებდნენ. მომხდართან დაკავშირებით გამოძიება 19-177-ე მუხლით მიმდინარეობს, რაც ქურდობას გულისხმობს.
