რუსეთი ოკუპანტია – ამის შესახებ ამერიკის შეერთებული შტატების ელჩის მოვალეობის შემსრულებელმა ელისაბეთ რუდმა, მუხათგვერდის სასაფლაოზე განაცხადა. რუდი მუხათგვერდის სასაფლაოზე მივიდა და ომში დაღუპულ გმირებს პატივი მიაგო.
დაღუპული გმირების ხსოვნას პატივი მიაგეს ხელისუფლების წარმომადგენლებმა. მუხათგვერდის სასაფლაოზე იმყოფებოდნენ პრემიერი, პრეზიდენტი, პარლამენტის თავმჯდომარე და მმართველი გუნდის სხვა წევრები.
2008 წლის რუსეთ-საქართვეოს ომიდან 11 წელი გავიდა. საქართველოს წინააღმდეგ რუსეთის სამხედრო აგრესიის შედეგად დაიღუპა ასობით ადამიანი, 30 ათასამდე ჩვენი მოქალაქე კი საკუთარ სამშობლოში დევნილი გახდა.
