სამტრედიაში, ნაჩხატაურის უბანში ნავთობბაზაზე საწვავით სავსე რეზერვუარს ცეცხლი გაუჩნდა. არსებული ინფორმაციით, აღნიშნული ნავთობბაზა არის ყველაზე დიდი საწვავის ტერმინალი დასავლეთ საქართველოში და არსებობდა მისი აფეთქების საშიშროება.
საგანგებო სიტუაციების მარვის სამსახურის ცნობით , არსებობდა ცეცხლის სხვა რეზერვუარებზე გავრცელების საფრთხე, რაც დამატებით საშიშროებას წარმოქმნიდა, თუმცა მეხანძრე-მაშველების დროული რეაგირების შედეგად, სწრაფად მოხერხდა ხანძრის ლოკალიზება.
ამ დროისათვის მიმდინარეობს სალიკვიდაციო სამუშაოები.
შემთხვევის შედეგად არავინ დაშავებულა.
ადგილზე მუშაობს 14 სახანძრო-სამაშველო ჯგუფი იმერეთის და სამეგრელო-ზემო სვანეთის რეგიონებიდან.
