რუსეთის პრეზიდენტი ვლადიმერ პუტინი ჟურნალისტს კითხვაზე პასუხობს, თუ როდის შეასრულებს რუსეთი 2008 წელს აღებულ ვალდებულებებს.
“როდის დაიწყებს რუსეთი 2008 წელს აღებული ვალდებულებების შესრულებას? როდის გავლენ რუსი სამხედროები საქართველოს ტერიტორიიდან?”- ჰკითხა ჟურნალისტმა ვლადიმერ პუტინს.
“ჩვენ ყოველთვის ვასრულებთ ჩვენს მოვალეობებს. როცა ჩვენ მივიღებთ ასეთ გადაწყვეტილებას,” – უპასუხა პუტინმა.
შეგახსენებთ, “რუსთავი 2-ის” ჟურნალისტმა რუსეთის პრეზიდენტ ვლადიმერ პუტინს ჰკითხა, როდის დატოვებს რუსული ჯარი საქართველოს ტერიტორიას.
ვლადიმერ პუტინი ერევანში ევრაზიული ეკონომიკური კავშირის ლიდერების შეხვედრაზეა ჩასული.