ფოთში,ავტოსაგზაო შემთხვევის შედეგად ერთი პირი დაშავდა. არსებული ინფორმაციით, მაღალი სიჩქარით მოძრავი ,,ოპელის“ მარკის ავტომანქანის მძღოლმა საჭე ვერ დაიმორჩილა და განათების ბოძს შეეჯახა.
შეჯახების შედეგად ერთი პირი დაშავდა. იგი სასწრაფო-სამედიცინო დახმარების ბრიგადამ ქალაქის ჰოსპიტალში გადაიყვანა. ექიმების ინფორმაციით, დაშავებულს გამოკვლევები უტარდება და მის სიცოცხლეს საფრთხე არ ემუქრება.
როგორც შინაგან საქმეთა სამინისტროში განაცხადეს, მომხდართან დაკავშირებით გამოძიება სისხლის სამართლის კოდექსის 276-ე მუხლის მე-2 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც გამოიწვია ჯანმრთელობის დაზიანება.