საოკუპაციო ჯარის ის წარმომადგენლები, რომლებმაც გუშინ მავთულხლართების გაბმა დაიწყეს, დღეს საოკუპაციო ზოლთან აღარ გამოჩენილან, მაგრამ ე.წ. სასაზღვრო ნაგებობის მეორე მხრიდან რუსი სამხედროების პატრულირება გრძელდება.
ატოცში მცხოვრებ მოსახლეობასაც საკუთარ სახნავ-სათეს მიწებზე გასვლის საშუალება მიეცათ და ისინი უკვე სასოფლო-სამეურნეო სამუშაოებს აწარმოებენ.
“აქ საფრთხე ყოველთვის არის, რადგან საზღვართან ახლოს ვართ, ერთი კილომეტრია საზღვრამდე. პოლიციის გარეშე მაინც ვერ ამოვდივართ ხოლმე. გუშინაც ამოვედი ჩემს მიწის ნაკვეთზე, მაგრამ მითხრეს, რომ მომეცადა,“ – აღნიშნა ატოცის მცხოვრებმა, რობინზონ გულიგაშვილმა.
ატოცში ჟურნალისტებთან ერთად ანტისაოპკუპაციო მოძრაობის წევრები და ქართველი სამართალდამცველები იმყოფებიან.
