ბოლნისის მუნიციპალიტეტში ინფრასტრუქტურული პროექტების ფარგლებში ორი ახალი მინი-სტადიონი აშენდა. მიმდებარედ საბავშვო-გასართობი სკვერი მოეწყო. სტადიონების მშენებლობა სრულად ადგილობრივი ბიუჯეტიდან დაფინანსდა და ჯამში 320 000 ლარი დაჯდა.
შემსრულებელი კომპანია „ამხანაგობა ეს ვერ დააგე“ 3 თვის განმავლობაში სტადიონების მშენებლობაზე პარალელურ რეჟიმში მუშაობდა . ბოლნისის მუნიციპალიტეტის ინფრასტრუქტურის სამსახურის ხელმძღვანელის, კონსტანტინე კორძაძის განცხადებით, ადგილობრივი მოსახლეობის მოთხოვნების გათვალისწინებით, ორივე მინი-სტადიონი მრავალფუნქციურია.
ადგილობრივებს სტადიონზე როგორც ფეხბურთის, ასევე, ჩოგბურთის თამაში შეეძლებათ. აღსანიშნავია, რომ მინი-სტადიონები შეზღუდული შესაძლებლობის პირებისთვისაც ადაპტირებულია.
