„ბიბისის“ ინფორმაციით,ავსტრალიაში ხანძრის შედეგად დაღუპულთა რიცხვი სამამდე გაიზარდა, დაკარგულია ოთხი ადამიანი.
ქუინსლენდსა და ახალი სამხრეთ უელსის შტატში ხანძარს ამ დროისთვის 1300 მეხანძრე ებრძვის, თუმცა, ქვეყნის პრემიერ-მინისტრმა სკოტ მორისონმა განაცხადა, რომ სტიქიასთან ბრძოლაში შესაძლოა სამხედროებიც ჩაერთონ.
სამაშველო სამსახურების ინფორმაციით, დიდი ალბათობით, მსხვერპლი კიდევ გაიზრდება, ვინაიდან ამ დრომდე ვერ ხერხდება დაკარგულების პოვნა.
გავრცელებული ინფორმაციით, დამწვარია 150-ზე მეტი სახლი. ათასობით ადამიანს კი საკუთარი სახლების დატოვება მოუწია. ბოლო ინფორმაციით, ხანძრის 100-ზე მეტი კერა არსებობს. ცეცხლის გავრცელებას ძლიერი ქარი და სიცხე უწყობს ხელს.