ქალაქ რუსთავში წლების განმავლობაში ამორტიზებული გაგარინის ქუჩის კომპლექსური სარეაბილიტაციო სამუშაოები დასრულდა.
როგორც ცნობილია, გაგარინის ქუჩაზე კომპლექსური სამუშაოების ფარგლებში, მოეწყო სანიაღვრე სისტემა, დაიგო ახალი ორფენიანი ასფალტის საფარი , გზის ორივე მხარეს საფეხმავლო ბილიკი და ბორდიურები გაკეთდა.
ინფრასტრუქტურის სამსახურის ცნობით, ქალაქ რუსთავში გარეჯის ქუჩის გაგრძელებისა და გაგარინის ქუჩის დარჩენილი ნაწილის ბეტონის საფარის და სანიაღვრე ქსელის სარეაბილიტაციო სამუშაოებისთვის სახელშეკრულებო ღირებულება 2 944 307 ლარს შეადგენდა.
სამუშაოები ტენდერში გამარჯვებულმა კომპანია “შპს გზამ” შეასრულა. სამუშაოები 23 აპრილს დაიწყო და 9 ნოემბერს დასრულდა.
