ვანდალიზმის ფაქტი-სოფელ ხულგუმოსთან ახლოს მდებარე სამლოცველო უკვე მეორედ დაარბიეს. შემთხვევა გვიან ღამით მოხდა.
მრევლს ხატები დაზიანებული დახვდა, საეკლესიო ნივთები კი ძირს იყო მიმოფანტული.
შეგახსენებთ, რომ სოფელ ხულგუმოსთან მდებარე სამლოცველო 2019 წლის აპრილში აკურთხეს. კურთხევიდან მალევე, ხულგუმოს მაცხოვრებლებმა დარბეული სამლოცველო ნახეს .
ფაქტზე,გამოძიება სისხლის სამართლის კოდექსის 259-ე მუხლის პირველი ნაწილით დაიწყო, რაც კულტურული მემკვიდრეობის ძეგლების ან სხვა კულტურული მემკვიდრეობის განზრახ დაზიანებას ან განადგურებას გულისხმობს.
დანაშაული ჯარიმით ან თავისუფლების აღკვეთით ორ წლამდე ვადით ისჯება.
ფოტო:რუსთავი 2
