რუსთავის ისტორიულ მუზეუმში საგანმანათლებლო პროგრამის „მუზეუმი რუსთავის ისტორიის კვალდაკვალ“ კონკურსის პირველი ტური მიმდინარეობს . კონკურსში რუსთავის საჯარო და კერძო სკოლების მე-4 კლასელები მონაწილეობენ.
დღევანდელი აქტივობის ფარგლებში, მოსწავლეებმა თემატური ფაზლები ააწყვეს და მუზეუმის თანამშრომლებისგან სამუზეუმო ექსპონატების შესახებ დეტალური ინფორმაცია მიიღეს.
პროგრამის ფარგლებში , მოსწავლეებმა მუზეუმი დაათვალიერეს.
კონკურსის დასრულების შემდეგ გამარჯვებულ მოსწავლეებს სიგელები და სიმბოლური საჩუქრები გადაეცემათ.
როგორც რუსთავის მუზეუმში აცხადებენ, პროგრამის პირველი ტური 25 დეკემბრამდე გაგრძელდება . მეორე ტური გაზაფხულზე გაიმართება.
