პარიზში რუსეთის პრეზიდენტის ვლადიმერ პუტინის ჩასვლის წინააღმდეგ მოძრაობა „ფემენის“ აქტივისტებმა საპროტესტო აქცია გამართეს. „შეაჩერეთ პუტინი“, – სკანდირებდნენ ნახევრად შიშველი აქტივისტები ელისეის სასახლის წინ.
სამართალდამცველებმა „ფემენის“ აქციის მონაწილეები დააკავეს.
უცხოური მედიის ცნობით,რუსეთის პრეზიდენტი ვლადიმერ პუტინი უკვე პარიზში იმყოფება. ის ნორმანდიულ სამიტში მიიღებს მონაწილეობას, რომელშიც ასევე საფრანგეთის პრეზიდენტი ემანუელ მაკრონი, გერმანიის კანცლერი ანგელა მერკელი და უკრაინის პრეზიდენტი ვლადიმირ ზელენსკი მონაწილეობენ.
ამასთან, ლიდერები ორმხრივ მოლაპარაკებებსაც გამართავენ. ნორმანდიული სამიტის დასრულების შემდეგ გაიმართება რუსეთისა და უკრაინის პრეზიდენტების პირისპირ შეხვედრა.
