რუსთავის ცენტრალური ქუჩებზე საახალწლო განათებების მონტაჟი გრძელდება. რუსთავის სერვის ცენტრში აცხადებენ, სპეციალისტები სამუშაოს დაახლოებით ერთ კვირაში დაასრულებენ. წელს პირველად ქალაქის შემოსასვლელში ახალი ნაძვის ხე დაიდგა.
ამ დროისთვის თანამედროვე ნათურები დამონტაჟდა მესხიშვილის ქუჩაზე, გონაშვილის სკვერში, მეგობრობის გამზირის ე.წ. შუა გამყოფ ზოლზე,მარჯვენა და მარცხენა სანაპიროს დამაკავშირებელ ხიდზე. გმირთა მემორიალთან განთავსდა სერვის ცენტრის მიერ შექმნილი ლოგო. მთავარ მოედანზე ნაძვის ხის მონტაჟიც მიმდინარეობს. მას შემდეგ რაც რუსთავის ქუჩებში განათებების მონტაჟი დასრულდება,სერვის ცენტრი ქალაქის ცენტრალურ პარკში დაიწყებს სამუშაოებს.
სამსახურის უფროსის განცხადებით პარკი საახალწლოდ განსაკუთრებულად მოირთვება. შეგახსენებთ, რომ საახალწლო ღონისძიებები წელს რუსთავის ცენტრალურ პარკში გაიმართება.
