მომავალი წლიდან საზოგადოებრივი უსაფრთხოების მართვის ცენტრის, „112“-ის საფასური ფიზიკური პირებისთვის ორმაგდება და 40 თეთრი გახდება.
2020 წლიდან ფიზიკური და იურიდიული პირები „112“-ის მომსახურებაში ერთნაირ საფასურს გადაიხდიან, ანუ იურიდიული პირების მიერ გადასახდელი საფასურის ოდენობაც 40 თეთრი იქნება.
„112“-ის საფასური გადაიხდევინება თითოეულ სააბონენტო ნომერზე, რომლითაც კალენდარული თვის განმავლობაში ჯამში 5 ლარზე მეტი ღირებულების მომსახურების შეძენა ან მომსახურებით სარგებლობა განხორციელდა.
საფასურის გადახდისაგან თავისუფლდებიან „სოციალურად დაუცველი ოჯახების მონაცემთა ერთიან ბაზაში“ რეგისტრირებული ოჯახის წევრები, რომელთა სარეიტინგო ქულა არ აღემატება 70 000-ს.
ინფორმაციისთვის, 2019 წლის 31 დეკემბრის ჩათვლით, 112-ის საფასური ფიზიკური პირებისთვის 20 თეთრი, ხოლო იურიდიული პირებისთვის 50 თეთრი იყო.
