ხანძარს ორი ადამიანის სიცოცხლე ემსხვერპლა- შემთხვევა წყალტუბოში მოხდა.
გავრცელებული ინფორმაციით, ყოფილი სანატორიუმის შენობაში, სადაც ამჟამად დევნილები ცხოვრობენ, ხანძარს მსხვერპლი მოჰყვა.
საგანგებო სიტუაციების მართვის სამსახურის ცნობით , ხანძარი გუშინ, გვიან ღამით რუსთაველის ქუჩაზე, ყოფილ სანატორიუმ „მეგობრობაში“ მოხდა.
მეხანძრეებს ერთ-ერთ ოთახში ცეცხლის ღია კერა დახვდათ. ხანძრის შედეგად, 65 წლამდე ასაკის ორი ქალი დაიღუპა.
მეხანძრე-მაშველებმა ცეცხლის ლოკალიზება დროულად მოახერხეს და ხანძარი დანარჩენ ოთახებში არ გავრცელებულა.
ადგილზე მობილიზებული იყო ყველა შესაბამისი უწყება. შენობიდან 35 ადამიანის ევაკუაცია განხორციელდა.
ადგილზე ოთხი სახანძრო-სამაშველო ჯგუფი იმყოფებოდა. ხანძრის გამომწვევი მიზეზი ამ დროისთვის უცნობია. მომხდარ ფაქტს შსს იძიებს.