ხანძრის გაჩენის შედეგად საცხოვრებელი სახლი დაიწვა- შემთხვევა მესტიაში გამთენიისას მოხდა. ცეცხლი მეზობლის საცხოვრებელ სახლზეც გავრცელდა.
გავრცელებული ინფორმაციით, სახლი შიგნიდან ხის მასალით იყო მოპირკეთებული, რის გამოც ცეცხლი სწრაფად მოედო და შენობის გადარჩენა ვერ მოხერხდა.
ადგილზე სახანძრო-სამაშველო სამსახურისა და მესტიის აეროპორტის სახანძრო-სამაშველო სამსახურის წარმომადგენლები მუშაობდნენ, რომლებმაც ცეცხლის ლოკალიზება და მეზობელი სახლის გადარჩენა შეძლეს.
შემთხვევის შედეგად არავინ დაშავებულა.
