რუსთავში სავარაუდოდ,ბუნებრივი აირის გაჟონვის შედეგად, 2 ადამიანი გარდაიცვალა.შემთხვევის დროს სახლში კიდევ ერთი ადამიანი იმყოფებოდა, თუმცა მას ინტოქსიკაცია არ მიუღია.
შემთხვევა , ლეონიძის 12 ნომერში მოხდა.
გარდაცვლილები 54 და 58 წლის ცოლ-ქმარი არიან, მათი 25 წლის შვილს პირველადი დახმარება ადგილზე გაეწია.
ადგილზე მობილიზებულია სასწრაფო სამედიცინო დახმარების ეკიპაჟი და პოლიცია.
Update : შემთხვევის ადგილზე მივიდა სოკარ ჯორჯია გაზის სამსახური. როგორც კომპანია სოჯარ ჯორჯია გაზში tv4-ს განუცხადეს, აღნიშნულ მისამართზე წყლის გამაცხელებელი 25 სექტემბერს შემოწმდა. კომპანიის მონიტორიგის ჯგუფმა გამაცხელებელი ჩახსნა, თუმცა სოკარ ჯორჯია გაზში ვარაუდობენ,რომ ბინის მცხოვრებლებმა დანადგარი თვითნებურად აღადგინეს.
როგორც Tv4-ს შინაგან საქმეთა სამინისტროში განუცხადეს, მომხდართან დაკავშირები გამოძიება 240-ე პრიმა მუხლის მე-3 ნაწილით დაიწყო,რაც ელექტრო და თბოენერგიის, გაზის, ნავთობის ან ნავთობპროდუქტების ობიექტზე უსაფრთხოების წესის დარღვევას გულისხმობს, რასაც მოჰყვა ორი ან მეტი ადამიანის სიცოცხლის მოსპობა.
