რუსთავში წლისა და ექვსი თვის ბავშვი გარდაცვლილი ნახეს. შემთხვევა გუშინ დაახლოებით 16:00 საათზე მოხდა. ბავშვის გარდაცვალების მიზეზი ამ ეტაპზე უცნობია და ექსპერტიზის დასკვნის შემდეგ გახდება ცნობილი. tv4-ის ინფორმაციით, ბავშვს დაძინებამდე ერთი საათით ადრე ღებინება ჰქონდა.
როგორც სასწრაფო დახმარების ცენტრში tv4-ს განუცხადეს, ჯგუფის ადგილზე მისვლისას ბავშვი უკვე გარდაცვლილი იყო, შესაბამისად მისი ჯანმრთელობის მდგომარეობის შესახებ ცენტრში დამატებით კომენტარს არ აკეთებენ.
შსს-ს ინფორმაციით, გამოძიება სისხლის სამართლის კოდექსის 116-ე მუხლითაა დაწყებული, რაც გაუფრთხილებლობით სიცოცხლის მოსპობას გულისხმობს.
