დამანგრეველი მიწისძვრა თურქეთში – ქვეყნის აღმოსავლეთ ნაწილში, ირანის საზღვართან მომხდარ 5,9 მაგნიტუდის სიმძლავრის მიწისძვრას 9 ადამიანის სიცოცხლე ემსხვერპლა, 50 დაშავდა. ექიმების ცნობით,8 დაშავებულის მდგომარეობა განსაკუთრებით მძიმეა.
როგორც ცნობილი ხდება, გარკვეულ სოფლებში ადამიანები ნანგრევებში რჩებიან.
სტიქიის ზონაში სამძებრო და სამაშველო სამუშაოები მიმდინარეობს. მიწისძვრა თურქეთ-ირანის საზღვარზე გამთენიისას მოხდა. ბიძგები ვანის პროვინციასა და ირანის ჩრდილო-დასავლეთ ნაწილშიც იგრძნობოდა.
იმავე დღეს თურქეთში მეორე მიწისძვრაც მოხდა. 4.8 მაგნიტუდის სიმძლავრის მიწისქვეშა ბიძგები მანისას პროვინციაში დაფიქსირდა, თუმცა მიწისძვრას მსხვერპლი არ მოჰყოლია.
