ბოლნისის მუნიციპალიტეტის, სოფელ სამწვერისში 70 წლამდე მამაკაცი ცივი იარაღით მოკლეს. გამთენიისას სოფლის განაპირას, გარდაცვლილის გვამი ადგილობრივებმა იპოვეს. მას გულის არეში ჭრილობა ცივი იარაღით აქვს მიყენებული. ადგილობრივების თქმით, მამაკაცი მეუღლესთან ერთად ცხოვრობდა, თუმცა რა გახდა მკვლელობის მიზეზი მათვის უცნობია.
არსებული ინფორმაციით, მამაკაცი გუშინ საღამოს სახლში არ მივიდა და მისმა ოჯახის წევრებმა პოლიციას მიმართეს.
შემთხვევის ადგილას საგამოძიებო სამუშაოები მიმდინარეობს. ადგილზე მობილიზებული არიან, ადგილობრივი ბოლნისის რაიონის პოლიციელები და ექსპერტ-კრიმინალისტები.
