სოფელ მუშევანამდე მისასვლელი გზის მშენებლობის მეორე ეტაპი დაიწყო-ინფორმაციას მუნიციპალიტეტი ავრცელებს.
მათივე ცნობით,ცენტრალური და ადგილობრივი ხელისუფლების წარმომადგენლებმა, სოფელ მუშევანამდე მისასვლელი გზის მშენებლობის პროცესი ადგილზე მოინახულეს.
მშენებლობის მეორე ეტაპის ფარგლებში, გზაზე ბეტონის საფარი დაიგება. ინფრასტრუქტურული სამუშაო „რეგიონებში განსახორციელებელი პროექტების ფონდისა“ და ადგილობრივი თვითმმართველობის ფინანსური მხარდაჭერით ხორციელდება და მისი ღირებულება 625 000 ლარია.
სოფელ მუშევანამდე მისასვლელი გზის მშენებლობა გასულ წელს დაიწყო. მოსახლეობის მოთხოვნით ბეტონის დაგების სამუშაოები წელსაც აქტიურად მიმდინარეობს.
