საქართველოს ჯანდაცვის მინისტრის, ეკატერინე ტიკარაძის ინფორმაციით, საქართველოში კორონავირუსის 3 ახალი შემთხვევა ამერიკის შეერთებულ შტატებში მოგზაურობას უკავშირებდა.
ამის შესახებ მან კორონავირუსთან დაკავშირებით მოქმედი უწყებათაშორისი საკოორდინაციო საბჭოს სხდომის დასრულების შემდეგ განაცხადა.
მისივე ინფორმაციით, დღეისათვის სავარაუდოდ, არსებობს კოროანვირუსის მეოთხე შემთხვევა რომელიც აჭარაში დაფიქსირდა.
“სამი ახალი შემთხვევა ევროპული ეტიოლოგიის არ არის, ეს გახლავთ ოჯახი, რომელმაც იმოგზაურა აშშ-ში, ეს არის ახალი კლასტერი.
ყველა ის პირი, რომელიც იმყოფებოდა ამ ოჯახთან კონტაქტში, არის იდენტიფიცირებული და მათზე მიმდინარეობს დაკვირვება შემდგომი ტაქტიკის დამუშავებისთვის.
ასევე, ჩვენ გვაქვს ახალი სავარაუდო მეოთხე შემთხვევა, რომელიც არის აჭარაში და დღის ბოლოს აჭარის ჯანდაცვის მინისტრი მოგახსენებთ ზუსტ ინფორმაციას“, – აღნიშნა მინისტრმა.
შეგახსენებთ, საქართველოში კორონავირუსის ინფიცირების 43 შემთხვევაა დადასტურებული.
