რუსთავში უცნობმა პირებმა სასურსათო მაღაზია დააყაჩაღეს. შემთხვევა გვიან ღამით მოხდა. ორი შეიარაღებული პირი სუპერმარკეტში შეიჭრა და მუქარით გამყიდველს თანხა გასტაცა.
მაღაზიიდან 1000 ლარზე მეტი ოდენობის თანხაა წაღებული.
შსს-ს ცნობით დანაშაულში მონაწილე ორი პირი იდენტიფიცირებულია.
მომხდართან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.
