საკარანტინო რეჟიმის მეექვსე დღის მონაცემებით, ტემპერატურული სკრინინგი ქვემო ქართლის ორ მუნიციპალიტეტში, 86 000-ზე მეტ მოქალაქეს ჩაუტარდა. -ამის შესახებ ქვემო ქართლში სახელმწიფო რწმუნებულმა შოთა რეხვიაშვილმა განაცხადა.
მხარის პირველი პირის ინფორმაციით, დღის განმავლობაში, კორონავირუსი საველე ჰოსპიტალში მყოფი პაციენტებისგან, ერთს დაუდასტურდა, რომელიც დედაქალაქშია გადაყვანილი და მკურნალობას შესაბამისი პროცედურების მიხედვით განაგრძობს.
„13 000- ზე მეტ ადამიანს ჩაუტარდა ტემპერატურული სკრინინგი მარნეულის მუნიციპალიტეტში, 4000- ზე მეტს ბოლნისის მუნიციპალიტეტში. საერთო რაოდენობით მარნეულში 71 000 გადავცდით , ხოლო ბოლნისის მუნიციპალიტეტში 15 000-ს.
დღეის მდგომარეობით , ტემპერატურულ სკრინინგზე დაყრდნობით, საეჭვო არაფერი გამომჟღავნებულა, საველე ჰოსპიტალში არავინ გადმოუყვანიათ. დილის მონაცემებით, 8 სიმპტომატიკური პაციენტი იყო საველე ჰოსპიტალში და ერთ-ერთს კორონავირუსი დაუდასტურდა.
როგორც ჩემთვის ცნობილია, არის საზღვრის კვეთა აზერბაიჯანიდან , თუმცა იმ პერიოდში ,როცა ქვეყანა რისკ ჯგუფში არ შედიოდა. ამ ქალბატონს ,ამ დღეების განმავლობაში, ექნება კონტაქტები ადამიანებთან , ამ ეტაპზე ამას ვიკვლევთ, შესაბამისად მიმდინარეობს კონტროლი.
ამ წუთისთვის 6 პაციენტი რჩება საველე ჰოსპიტალში , მათგან ერთს უფრო მეტი სიმპტომატიკა აქვს“- განაცხადა შოთა რეხვიაშვილმა.
