რუსთავის მერის, ირაკლი ტაბაღუას განცხადებით, კორონავირუსით ინფიცირებული ორი რუსთაველი პაციენტის გამოჯანმრთელება უახლოეს დროშია მოსალოდნელი.
“8 ინფიცირებულიდან 6 გამოჯანმრთელებულია. ძალიან კარგი და სასიამოვნო ფაქტია. ორის გამოჯანმრთელებას ველოდებით. ფაქტობრივად, მინიმუმამდეა ვირუსის არსებობა ორგანიზმში დაყვანილი,” – განაცხადა ირაკლი ტაბაღუამ.
რუსთავში, კორონავირუსით ინფიცირების 8 შემთხვევა ფიქსირდება, საიდანაც 6 უკვე გამოჯანმრთელდა. სამედიცინო დაწესებულებაში ამ დრომდე, კოვიდინფიცირებული რუსთავის საკრებულოს დეპუტატი და მისი მცირეწლოვანი შვილი რჩება, რომელთა გამოჯანმრთელებასაც მედიკოსები უახლოეს დროში ელოდებიან.
შეგახსენებთ, რუსთავში კორონავირუსის პირველი შემთხვევა 2 აპრილს დადასტურდა. კორონავირუსით დაინფიცირდნენ საკრებულოს დეპუტატი და მისი ოჯახის წევრებიც.
