ბოლნისის მუნიციპალიტეტიდან ლუგარის ლაბორატორიაში დღეს გამოსაკვლევად 20 ბიოლოგიური ნიმუში გაიგზავნა, რომელთა პასუხებიც ხვალ გახდება ცნობილი.
ამ დრომდე, ბოლნისში სულ COVID19-ის 95 შემთხვევა ფიქსირდება, აქედან ხუთი გამოჯანმრთელებულია, ორი კი – გარდაიცვალა.
მუნიციპალიტეტში გრძელდება განმეორებით თერმოსკრინინგის პროცესი. მოხალისეების ჩართულობით დღეს შემოწმება გაიარა 1 788 ადამიანმა. სულ მეორე ეტაპზე თერმოსკრინინგი 32 772 მოქალაქემ გაიარა.
ბოლნისში, ამ დროისთვის, თვითიზოლაციაში იმყოფება 182 ადამიანი, ხოლო კარანტინში 99 პირი.
